સમય... ગતિ, પ્રગતિ અને પરિવર્તન એ સૃષ્ટીનો નિયમ છે. જેમાં સમગ્ર જગત એ નિયમોને બંધન કર્તા રહ્યો છે અને પ્રાચીનકાળથી એના સૂચિત પુરાવાઓ આપણી નજર સમક્ષ જોતા આવ્યા છીએ. પરિવર્તન જગતમાં દરેક ક્ષેત્રોમાં જેવા કે સામાજીક શૈક્ષણિક, વ્યવસાયિક જેવા ક્ષેત્રોમાં પરિવર્તન થઇ રહ્યું છે જેમાં ખાસ કરીને મનુષ્ય કેન્દ્ર સ્થાને રહ્યું છે. જેમ કહેવાય છે કે, “મનુષ્ય એ સામાજીક પ્રાણી છે” એ સમાજનું એક અભિન્ન અંગ છે. સમાજમાં રહેતો દરેક મનુષ્યના રીત રીવાજો,રહેણી – કરણી તથા રીત ભાત વગેરે સમયે સમયે બદલાતા રહ્યા છે.હવે જોવાનું એ રહે છે કે મનુષ્યને જ તેની ઓળખ તેનો સમાજ આપે છે. ભલે સમયાંતરે બધું બદલાતું રહે છે.

દેશના એક ખૂણામાં વસેલી આપણી આ મહાન જ્ઞાતિની ગૌરવ ગાથા અનેરી છે. જ્ઞાતિને હંમેશા ગંગાના પ્રવાહ સાથે સરખાવાતી હોય છે. જ્ઞાતિ આપણને એક ઓળખ આપે છે, આપણી જેવા જ, સમાન વિચારો, સમાન ઇતિહાસ, સમાન ગુણો અને સમાન સમસ્યાઓ ધરાવતા, આપણા પોતિકા લોકોનો એકરૂપ સમૂહ એટલે આપણી આ જ્ઞાતિ.

જ્ઞાતિ એટલે પ્રાચીન પરંપરા, સદીઓના ઇતિહાસ અને ગરવાઈની ગાથા. એ પરંપરા અને આધુનિકતાનો સમન્વય કરતી આ વેબસાઈટ અત્યંત ઉપયોગી નીવડે તેવું છે. આપણી જ્ઞાતિની વેબસાઈટથી ઘણાં ફાયદા થવાના છે. અહીં પ્રસ્તુત છે આ વિચાર અને તેના પરિણામે થનારા લાભનો એક ચિતાર. આશા જ નહીં પૂર્ણ શ્રધ્ધા છે કે આપને અમારો આ નમ્ર પ્રયાસ પસંદ પડશે. આ વેબ સાઈટ દ્વારા આપણો સમૃદ્ધ ઇતિહાસ ઉજાગર થશે અને નવી પેઢીને આપણી પ્રણાલીકાઓ, આપણા ગૌરવ અને ભવ્ય વારસાનો સાચો અને પૂર્ણ પરિચય મળશે.

Read More